Бишкек, 17.06.23. /Кабар/. Осмонов атындагы Жалал-Абад мамлекеттик университетинде 7 облустун мамлекеттик жогорку окуу жайлары арасында “Студенттер - билимдүү, бирдиктүү Кыргызстан үчүн!” аталышындагы достук фестивалы өттү.
Муниципалитеттен билдиришкендей, иш-чарага Жалал-Абад шаарынын вице-мэри Гүлбарчын Таштанбекова, 7 облустан келген мамлекеттик окуу жайлардын ректорлору, проректорлору, профессордук-окутуучулук курам жана студенттер катышты.
Фестивалдын алкагында академиялык мобилдүүлүк программасын ишке ашыруу багытында маданий, спорттук иш-чаралар уюштурулган.
Белгилей кетсек, аталган фестиваль 7 жылдан бери 7 облустагы мамлекеттик университеттердин ортосунда түзүлгөн меморандумга ылайык, достукту чыңдоо, тажрыйба алмашуу максатында өткөрүлүп келет.
Пикир
Оставить комментарий