Бишкек, 22.06.23. /Кабар/. Жалал-Абад шаарындагы Дадан Баев көчөсүнө асфальт төшөлдү. Бул тууралуу шаардык муниципалитеттен билдиришти.
Маалыматка ылайык, жаңы асфальт төшөлгөн жолдун ачылуу аземине Жалал-Абад шаардык кеңешинин төрагасы Нуртилек Орозбаев баштаган депутаттар, мэрдин биринчи орун басары Кубанычбек Иманалиев, мэрдин орун басары Айбек Жолдошев, мекеме-ишканалардын жетекчилери жана жергиликтүү жашоочулар катышты.
Аталган көчөнүн узундугу 1 чакырым, туурасы 5 метрди түзөт. Курулушка жергиликтүү бюджеттен акча каражаты жумшалып, асфальт төшөө иштерин Жалал-Абад шаардык мэриясынын Жол башкармалыгы жүргүзгөн.
Белгилей кетсек, Жалал-Абад шаарында быйыл 13 чакырым тротуарга жана 20 чакырым жолго асфальт төшөө пландалган.
Пикир
Оставить комментарий