Жалал-Абадда күчү 4 баллга жеткен жер титирөө катталды

Бишкек, 12.11.21. /Кабар/. Жалал-Абад облусунун аймагында күчү 4 баллга жеткен жер титирөө катталды. Бул тууралуу КР Сейсмология институту билдирет.

Маалыматка ылайык, жер титирөө бүгүн, 12-ноябрда таңкы саат 07:38де катталып, силкинүүнүн очогу Кыргызстандын аймагында жайгашкан.

Алдын ала маалыматтар бөюнча жер титирөөдөн жабыркагандар жана кыйроолор катталган жок.

Белгилей кетсек, 10-ноябрда дагы Жалал-Абад облусунда очогунда күчү 4 баллга жеткен жер титирөө катталган.