Бишкек, 16.08.21. /Кабар/. Бүгүн, 16-августта Жалал-Абад облустук ички иштер башкармалыгынын имаратында спортто ийгилик жараткан КРнын ИИМдин “Шумкар” атайын багыттагы полкунун Жалал-Абад шаарындагы өзүнчө ротасынын 4 кызматкери сыйланышты. Бул тууралуу облустук милициянын басма сөз кызматы билдирди.
Маалыматка ылайык, алар 5-8-август күндөрү В.Гордеевдин жаркын элесине арналып Чолпон-Ата шаарында өткөрүлгөн күжүрмөн самбо боюнча XXXIV эл аралык мелдеште 1-2-3-орундарды камсыздашкан.
Сыйлык ээлерин Жалал-Абад ОИИБдин начальнигинин ыкчам иштер боюнча орун басары, милициянын полковниги Кеңешбек Рахманов куттуктап, мындан ары да жогорку ийгиликтерди багындыруусуна тилектештигин билдирди.
Пикир
Оставить комментарий