Бишкек, 29.10.24. /Кабар/. Жалал-Абад облусунун жол тескөөчүлөрү жөө жүргүнчүнү сүзүп, качып кеткен жаранды кармады. Бул тууралуу Жол кыймылынын коопсуздугун камсыздоо башкы башкармалыгынан билдиришти.
Маалыматка ылайык, 29-октябрда болжол менен саат 3:30 чамасында Бишкек – Ош унаа жолунун 387-чакырымындагы Кара-Көл шаарында белгисиз унаа жөө жүргүнчүнү сүзүп, окуя болгон жерден качып кеткени тууралуу кабарланган.
Натыйжада жөө жүргүнчү окуя болгон жерде көз жумган.
Бул факты боюнча ыкчам кармоо иш-чаралары жүргүзүлүп, кылмыш изи сууй электе кылмышка шектүү катары Жалал-Абад облусунун жол коопсуздугун камсыздоо кызматкерлери тарабынан Токтогул районунун "Чычкан" көзөмөл өткөрмө жайынан “Мерседес-Бенц 412” үлгүсүндөгү авто унаанын 2001-жылы туулган Ж.А. аттуу айдоочусу кармалды. Андан ары тийишүү чара көрүү үчүн кармалган жаран Тергөө бөлүмүнө өткөрүп берилди.
Азыркы учурда тергөө амалдары жүрүүдө.
Пикир
Оставить комментарий