Бишкек, 11.12.23. /Кабар/. Жалал-Абад шаарындагы №21 орто мектебинде жаңы ашкана курулуп, пайдаланууга берилди.
Муниципалитеттен билдиришкендей, ашкананын курулушу жергиликтүү бюджеттен каржыланып, 10 млн сом сарпталган.
1200 окуучу билим алган №21 орто мектебинде буга чейин ашкананын жоктугунан окуучуларга ысык тамак берилчү эмес. Эми аталган мектептин 500дөн ашуун окуучусуна ысык тамак берилүүдө.
Белгилей кетсек, Жалал-Абад шаарында жалпы 20 мектеп бар. Учурда алардын 13үндө балдарга ысык тамак берилет.
Пикир
Оставить комментарий