Жалал-Абаддагы CAFA U-20 турниринин жабылуу аземинен көз ирмемдер

Бишкек, 13.07.24. /Кабар/. Кыргыз футбол биримдиги CAFA U-20 CHAMPIONSHIP 2024 турниринин жабылуу аземиндеги сүрөттөр менен бөлүштү.

Белгилей кетсек, күн мурун аталган турнирдин финалдык оюну Жала-Абад шаарындагы "Курманбек" стадионунда өтүп, анда Кыргызстан менен Ирандын курама командалары бет келген.

Финалдык беттеш 0-3 эсебинде атаандаштардын пайдасына аяктап, Кыргызстандын курамасы турнирдин күмүш медалына ээ болду.

Турнирдин жыйынтыгы:

• 1-орун – Иран;
• 2-орун – Кыргызстан;
• 3-орун – Өзбекстан;
• 4-орун – Тажикстан;
• 5-орун – Афганистан;
• 6-орун – Түркмөнстан.