Бишкек, 14.12.18 /Кабар/. Жалал-Абад облусундагы базарларда күтүүсүз өрттүк-тактикалык машыгуулар жүрүүдө. Бул тууралуу ӨКМ басма сөз кызматынан кабарлашты.
Машыгуулардын себеби – жыл башынан бери Жалал-Абад облусунда 15 жолу соода жайларында өрт кырсыгы катталып, өрттөн келтирилген материалдык чыгым 21 млн. 521 миң 55 сомдон ашкан.
Мындай иш чара, 12-декабрь күнү Шамалды-Сай шаарчасынын "Мамаш-Ата" базарында, Жалал-Абаддын борбордук базарында, "Шабдалы-Зар" жана "Айгуль" соода борборунун "Жаштык" базарларында өткөрүлгөн.
Машыгуулар буга чейинки базарларда өткөрүлгөн машыгуулардан айырмаланышы күтүүсүз, алдын ала макулдашылбастан өткөрүлүүдө.
Машыгуунун максаты базарларда өрттүн алдын алуу иш-чараларын жүргүзүү, өрт учурунда базар администрацияларынын, ыктыярдуу өрткө каршы кошундардын иш-аракеттерин жөнгө салуу, адам өмүрлөрүн сактоо жана материалдык чыгымды болтурбоо.
Машыгуулардын жыйынтыгын менен тиешелүү органдарга чара көрүү үчүн маалыматтар берилет.
Пикир
Оставить комментарий