Жапаров: Президент менен парламенттин ортосундагы бийлик балансы сакталат

Бишкек, 10.01.21. /Кабар/. Садыр Жапаров мөөнөтүнөн мурда өткөн президенттик шайлоодон кийин журналисттердин суроосуна жооп берди.

Жапаров өз сөзүндө анын башкаруусунда өлкөдө президент менен парламенттин ортосундагы тең салмактуулук сактала тургандыгын билдирди. "Учурда Курулай системасын киргизүү каралууда, алар да өздөрүнүн сунуштарын беришет", - деди Жапаров.

Бүгүн мөөнөтүнөн мурда президенттик шайлоо жана мамлекеттик башкаруу формасын аныктоо боюнча референдум өттү. Автоматтык эсептөө урналардын алдын ала маалыматы боюнча Садыр Жапаров 79,25% добуш менен сап башында келе жатат.