Бишкек, 12.11.20. /Кабар/. Президенттин милдетин аткаруучу, премьер-министр Садыр Жапаров бүгүн басма сөз жыйынында Сооронбай Жээнбековдун экс-президенттик макамы кандай учурда алына тургандыгын айтты.
Жапаровго "Эгерде коррупцияга каршы күрөштүн жүрүшүндө Сооронбай Жээнбековдун тиешеси бар экендиги аныкталса, анда ал экс-президент макамынан ажыратылып, жоопкерчиликке тартылабы?", - деген суроо узатылды.
"Эгерде анын чынында эле оор кылмыштарга катыштыгы болсо, анда бардыгы мыйзам чегинде каралат. Азырынча анын эч кандай кылмышы жок", - деди ал.
Пикир
Оставить комментарий