Бишкек, 28.10.17./Кабар/. Жалал-Абад облусунун Сузак районуна караштуу Көк-Жаңгак шаарчасындагы муктаж 240 үй бүлөнүн ар бирине 1150 сомдук күнүмдүк керектелүүчү азык-түлүк жардамы таратылып, айрым турмуш-шарты оор үй бүлөлөргө акчалай да жардам көрсөтүлдү. Бул тууралуу КМДБнын басма сөз кызматы билдирет.
Маалыматка ылайык, 1 топтогу мүмкүнчүлүгү чектелген жарандарга жардамдар үйлөрүнө жеткирилди. Кайрымдуулук иш чарасы менен казыттын жооптуу катчысы Абдиназар Хаджибеков жана Сузак районунун баш имам хатиби Жунус ажы Исмаилов жеринен таанышып, уюштуручууларга ыраазычылык билдиришти.
Пикир
Оставить комментарий