ЖЭБги авария боюнча сот: Ишти иликтөө отурумуна кээ бир жактоочулар келген жок

Бишкек, 09.04.19 /Кабар/. Бишкек шаарынын Биринчи май райондук сотунда бүгүн жылуулук электр борборунда (ЖЭБ) болгон авария боюнча соттук отурум өтүүдө. Сот айыпкерлерден сурак алып, иштин материалдарын изилдөө жүргүзүүдө.

Буга чейинки отурумда сот иштин материалдарын изилдөөдө 13-томдон токтогон, бүгүн изилдөө уланууда.

Бул отурумга кээ бир айыпталуучулардын жактоочулары келген эмес, бирок айыпталуучулар отурумду улантууга каршы болгон жок.

Эскерте кетсек, 26-январда кечинде Бишкек ЖЭБде авария болуп, шаардыктардын батирлерине жылуулук берилбей калган. ЖЭБдин иши 2-февралда калыбына келтирилген.