Бишкек, 29.03.18. /Нуркыз Сабырова – Кабар/. Кыргызстандын президенти Сооронбай Жээнбеков мурдагы мамлекет башчы Алмазбек Атамбаев менен жолугушуу өткөрдү. Бул тууралуу президенттин басма сөз катчысы Толгонай Стамалиева билдирди.
Жолугушуу кечээ, 28-мартта болгон. Бирок учурдагы жана мурдагы президенттер эмне тууралуу сөз кылгандыгы – белгисиз. Стамалиеванын айтымында, экөөнүн мындай жолугушуусу буга чейин да болгон.
Белгилей кетүүчү жагдай, 31-мартта Кыргызстандын Социал-демократтар партиясынын курултайы болот. Анда партиянын лидери катары Алмазбек Атамбаевдин дайындалышы күтүлүүдө.
Пикир
Оставить комментарий