Бишкек, 24.09.19. /Кабар/. Кыргызстандын президенти Сооронбай Жээнбеков октябрь айында Азербайжанда Түркиянын президенти Режеп Тайип Эрдоган менен жолугат. Бул тууралуу мамлекет башчысы Бишкекте өтүп жаткан кыргыз-түрк бизнес-форумунда билдирди.
Анын айтуусунда, эки өлкө ортосунда көп жылдар мурда калыптанган саясий өнөктөштүк жыл өткөн сайын бекемделип, жогорку деңгээлге жеткен.
"2018-жылы Түркия Республикасына менин расмий иш сапарым болгон. Ошол эле жылдын сентябрь айында Режеп Тайип Эрдоган мырза расмий визит менен Кыргызстанга келген. Эрдоган мырзанын жеке колдоосу менен Чолпон-Ата шаарында Түрк тилдүү мамлекеттердин башчыларынын кеңешинин саммити өткөрүлгөн. Түркия президентинин визитинин алкагында кыргыз-түрк бизнес-форуму өткөн", - деп эске салды президент.
Мамлекет башчысы кошумчалагандай, ушул жылдын октябрь айында Азербайжанда Эрдоган менен жолугат.
"Жолугушууда эки тараптуу кызматташтык маселелерин талкуулайбыз. Мен бул жолугушууну күтүп жатам", - деди Жээнбеков.
Пикир
Оставить комментарий