Бишкек, 20.12.19. /Кабар/. Кыргыз Республикасынын Президенти Сооронбай Жээнбеков бүгүн, 19-декабрда, Санкт-Петербург шаарында (Россия) өтүп жаткан Жогорку Евразия Экономикалык Кеңешинин кезектеги жыйынына катышууда.
Күн тартибинде: өлкөлөрдүн кызматташуусун өркүндөтүү маселелери жана Евразия экономикалык кеңешинин интеграциясын тереңдетүү маселелери.
Чакан курамда сүйлөшүүлөрдөн кийин делегация мүчөлөрүнүн катышуусу менен отурум кеңейтилген курамда улантылууда.
Санкт-Петербург шаарындагы Евразия саммитине Кыргыз Республикасынын Президенти Сооронбай Жээнбеков, Беларусь Республикасынын Президенти Александр Лукашенко, Россия Федерациясынын Президенти Владимир Путин, Армения Республикасынын Премьер-министри Никол Пашинян, Казакстан Республикасынын тунгуч Президенти Нурсултан Назарбаев жана Молдова Республикасынын Президенти Игорь Додон — көзөмөлдөөчү өлкө катары катышууда.
Пикир
Оставить комментарий