Жер-жерлерде көрсөтүлгөн гуманитардык жардамдар тууралуу маалымат

Бишкек, 28.04.20. /Кабар/. Республикалык штаб жер-жерлерде көрсөтүлгөн гуманитардык жардамдар тууралуу маалымат берди.

Ош облусу боюнча жалпысынан 93 412 үй-бүлөгө жардам берилди. Анын ичинен жеке тараптардан 64 285 үй-бүлөгө, мамлекеттик матрезервдер фондунан 29 127 үй-бүлөгө гуманитардык жардам берилди.

Ош шаарында жалпы 42 075 муктаж болгон үй-бүлөгө гуманитардык жардам көрсөтүлдү. Жардам өкмөт тарабынан, мамлекеттик матрезервдер фонду, Ош шаарынын мэриясы, кайрымдуулук фонддору, жеке ишкерлер, Чоң-Алай районунун жашоочулары жана Өзбекстан республикасы тарабынан көрсөтүлгөн.

Баткен облусунда 130 этникалык кыргыздардын үй-бүлөсүнө бир каптан ун жана өсүмдүк майы берилди. Жардам Жогорку Кеңешинин төрагасынын резервдик фондунан берилди.