Бишкек, 17.11.24. /Кабар/. Жол кыймылынын коопсуздугун камсыздоо башкы башкармалыгынын кызматкерлери шайлоого карата күчөтүлгөн тартипте кызмат өтөшүүдө.
Ведомствонун маалыматына ылайык, өздүк курам шайлоо участокторуна бекитилип, бөлүнгөн чарчыларда коомдук коопсуздукту жана жол кыймылынын коопсуздугун камсыздашууда.
"Айрыкча добуш берүүгө келген жарандарга ыңгайлуу шарттарды түзүп, жол жээгиндеги унаалардын туура эмес жерлерге токтоолоруна жана жол тыгындарына жол бербөө үчүн тийиштүү тилкелерде жол кыймылын жөнгө салышууда", - деп айтылат маалыматта.
Кызматкерлердин ишмердүүлүгүн башкармалыгынын башчысы Жеңишбек Жоробеков жеринен текшерип, бул мамлекеттик маанидеги тарыхый күндөрдө милиция элдин коопсуздугун камсыздап, чагымчыл маалыматтардын же туура эмес көрүнүштөрдүн чыгып кетүүсүнө жол бербөөсү керектиги боюнча тийиштүү нускамаларды жеткирүүдө.
Пикир
Оставить комментарий