Жети университет академиялык мобилдүүлүк программасы боюнча меморандумга кол койду (тизме)

Бишкек, 27.03.23. /Кабар/. Өлкөнүн жети университетинин ортосунда академиялык мобилдүүлүк программасы боюнча меморандумга кол коюлду.

Билим берүү жана илим министрлиги билдиргендей, меморандумга бүгүн, 27-мартта жогорку кесиптик билим берүү системасына биргелешкен сереп-анализ жыйынында кол коюлган.

Меморандумга кол койгон жогорку окуу жайлар ортосунда студенттерди алмашуу программасы иштеп, студенттерге жогоруда аталган университеттердин биринде жарым семестр билим алуу мүмкүнчүлүгү түзүлөт.

Алар:

1. Баткен мамлекеттик университети;
2. Б. Осмонов атындагы Жалал-Абад мамлекеттик университети;
3. К. Тыныстанов атындагы Ысык-Көл мамлекеттик университети;
4. И. Арабаев атындагы Кыргыз мамлекеттик университети;
5. С. Нааматов атындагы Нарын мамлекеттик университети;
6. А. Мырзабеков атындагы Ош мамлекеттик Педагогикалык университети;
7. Талас мамлекеттик университети.