ЖК электрондук тамекиге байланыштуу мыйзам долбоорун II жана III окууда кабыл алды

Бишкек, 13.06.24. /Кабар/. Жогорку Кеңештин бүгүнкү жыйынында электрондук тамекини сатууга тыюу салуу жөнүндө мыйзам долбоору каралды.

ДМыйзам долбоорунун дмилгечилери – Жогорку Кеңештин депутаттары Шаирбек Ташиев, Алишер Козуев, Бекмурза Эргешов, Айбек Маткеримов, Марлен Маматалиев, Исатбек кызы Аида.

Комитеттин жыйынында тиешелүү мамлекеттик органдардын өкүлдөрү депутаттардын мыйзам долбоору боюнча кызыктырган суроолоруна жооп беришти.

Мында мыйзам долбоорунун демилгечилеринин бири депутат Шайырбек Ташиев электрондук тамекини ташып кирген жеке жактарга 150 миң сом, юридикалык жактарга 250 миң сом, ал эми аны колдонгондорго 10 миң сом айып салуу каралганын белгиледи.

Мамлекеттик бажы кызматынын төрагасынын биринчи орун басары Улан Кимсанов мыйзам кабыл алынса, Бажы кызматы өлкөгө электрондук тамекини алып кирүүлөрдү толук токтотууга күчү жетерин белгиледи.

Ошентип, талкуунун жыйынтыгында аталган мыйзам долбоору II жана III окууларда кабыл алынды.