Бишкек, 18.10.24. /Кабар/. "Ак-Жол” көзөмөл-өткөрмө жайынан кошумча бак орнотуп, мыйзамсыз күйүүчү май ташыган 6 жол тандабас жана 1 автобус кармалды. Бул тууралуу Жол кыймылынын коопсуздугун камсыздоо башкы башкармалыгынан билдиришти.
Жол кыймылынын коопсуздугун камсыздоо башкы башкармалыгынын Техникалык көзөмөлдөө бөлүмү тарабынан 16-20-октябрга чейин өлкө аймагында “Кошумча жабдык” аталышындагы өтүп жаткан рейддик иш-чаранын алкагында Казакстан менен Кыргызстан өлкөлөрүнүн ортосундагы "Ак-Жол” көзөмөл-өткөрмө жайынан өтүп жаткан унаалар текшерилип, мыйзамсыз кошумча бак орнотуп, кошуна өлкөдөн күйүүчү май ташыган 6 Toyota Land Cruiser үлгүсундөгү унаалар жана 1 автобус кармалды.
Азыркы учурда унаалар айып короо жайына киргизилип, тийиштүү материалдар Тергөө кызматына өткөрүлүп берилүүдө.
Рейддик иш-чара мындан ары да улантылат.
Пикир
Оставить комментарий