Жумгалда ата-баланы издөөгө 56 адам чыкты

Бишкек, 04.11.24. /Кабар/. Жумгалда ата-баланы издөө иштери уланууда.

ӨКМден билдиришкендей, бүгүн, 4-ноябрда Жумгал районунда издөө иштерин көзөмөлдөө, координациялоо жана улантуу максатында өзгөчө кырдаалдар министринин орун басары Шамыркановдун жетекчилигинде жалпы 56 адам, 4 дрон тартылды.

Анын ичинен ӨКМден 18 куткаруучу 2 дрон менен Токой кызматынан 8 кызматкер, ИИМден 10 кызматкер, 2 дрон менен жана жергиликтүү тургундардан 20 адам.

Белгилей кетсек, 2024-жылдын 16-октябрь күнү ата-бала мал кайтарууга жайлоого кетип, ошол бойдон кайтып келген эмес.