Бишкек, 04.08.21. /Кабар/. Баткен шаарындагы милициянын көчмө кабылдамасы элдер менен жолугууда, - деп билдирет облустук милициянын басма сөз кызматы.
Маалыматка ылайык, Баткен шаарынын Кызыл-Жол, Төрт-Гүл, Чет-Булак участкаларындагы жергиликтүү тургундар менен милиция кызматкерлери өзүн-өзү башкаруу органдарынын, саламаттык сактоо кызматынын кызматкерлери менен биргеликте эл аралап кылмыштуулукту болтурбоо, сууга чөгүүнүн, үй-бүлөлүк зордук-зомбулуктун алдын алуу максатында түшүндүрүү иштерин түзүлгөн графиктин негизинде жүргүзүүдө.
Мындан сырткары, азыркы COVID-19 илдетинин алдын алуу, вакцинация боюнча дарыгерлер элдерге түшүндүрүү иштерин жүргүзүүдө.
Баткен шаар аймагында жыл башынан бери 12 зордук-зомбулук фактысы катталып, коргоо ордерлери өз убагында толтурулган, кайталанган зордук-зомбулук болгон эмес. Ал эми акыркы бир ай аралыгында милициянын көчмө кабылдамасына социалдык мааниде 13 кайрылуу түшкөн.
Пикир
Оставить комментарий