Бишкек, 19.10.21. /Кабар/. Учурда Ош шаарынын фирмалык стилин иштеп чыгуу үчүн "Ош - Silk Road Provider" деп аталган сынак жүрүп жатат. Бул тууралуу мэриянын басма сөз кызматы билдирет.
Баарыныздарды аталган конкурска активдүү катышууга чакырабыз!
Сынактын шарттары:
1. Сынакка КРнын резиденттери жана резиденттери болбогон юридикалык жана жеке жактар катышууга укуктуу;
2. Жашы чектелбейт;
3. Даяр болгон иштерди берүүнүн акыркы мөөнөтү 1-ноябрь күнү, саат 18:00гө чейин;
4. Визуалдаштыруу конкурсуна катышуу үчүн жиберилген иштер JPEG форматында болушу керек;
5. Oш брендин визуалдаштыруу боюнча сунуштар чексиз болушу мүмкүн. Сынактын бир нече катышуучулары бир эле эскиздерди жөнөткөн учурда, жеңүүчү төмөндөгү электрондук дарекке келип түшкөн күнү жана убактысы боюнча аныкталат;
6. Техникалык тапшырманы алуу үчүн сиз толук аты-жөнүңүздү, байланыш телефондорун жана "Техникалык тапшырма" деген жазууну камтыган суроо-талапты e-mail: maksatchaki@mail.ru жөнөтүшүңүз керек;
7. Иштелип чыккан дизайн эскиздери толук аты-жөнү жана "Ош шаарынын бренди" белгиси менен төмөнкү e-mailге жөнөтүлүшү керек: maksatchaki @mail.ru;
8. Сынакка жөнөтүлгөн иштер рецензияланбайт жана кайтарылбайт;
9. Жеңүүчүлөрдүн иштери, алар менен автордук келишим түзүлгөндөн кийин Ош шаарынын мэриясынын менчиги болуп калат;
10. Жеңүүчүлөр өз иштерин Комиссиянын талабы боюнча төмөнкү форматтарда тапшырышы керек: Corel Draw, JPEG, PDF;
11. Сынактын жеңүүчүлөрү төмөндөгүдөй сыйлыктарга ээ болушат:
1 -орун - 100 000 сом. 2 -орун - 50 000 сом;
12. Конкурстун катышуучуларынан дизайн эскиздерин кабыл алуунун акыркы мөөнөтү 2021-жылдын 1-ноябры, саат 18-00гө чейин;
Белгиленгендей, сынактын жыйынтыгын чыгаруу 2021-жылдын 5-ноябрына чейин жүргүзүлөт жана конкурстун шарттарына байланыштуу бардык суроолор боюнча, maksatchaki @mail.ru электрондук дарегине кайрылууга болот.
Пикир
Оставить комментарий