Бишкек, 10.07.24. /Кабар/. 10,5 миң жаран сары түстөгү ID-карталарды акысыз алмаштырууга арыз берди. Бул тууралуу санариптик өнүктүрүү министри Нурия Кутнаева билдирди.
Анын айтымында, 2004-жылдын үлгүсүндөгү сары түстөгү ID-карталарды акысыз алмаштыруу боюнча улуттук кампания 1-июлда башталган.
"Сары түстөгү гана ID-карталар алмаштырылууга тийиш. 2017-жылдын үлгүсүндөгү биометрикалык паспорттор алмаштырылбайт. Анткени алар коопсуздуктун бардык талаптарына толук жооп берет. 2004-жылдын сары түстөгү ID-карталары бар жарандар бул мүмкүнчүлүктү пайдаланып, жаңы биометрикалык паспортторду алууга чакырабыз. Бул коопсуздукту жакшыртууга жана мамлекеттик кызматтарды жеңилдетүүгө маанилүү кадам болуп саналат”, - деди ал.
Белгилей кетсек, Кыргызстанда паспорт, ID-карт жана башка документтер "Учкун" ишканасында чыгарыла баштаган. ID-карттарды бекер алмаштыруу боюнча акция 31-августка чейин өтөт. Андан кийин паспортту адаттагыдай эле өздүк баасына, тагыраагы 600 сомдон алмашылат.
Пикир
Оставить комментарий