Бишкек, 14.10.19. /Кабар/. Эртең, 15-октябрда түнкүсүн Чүй, Талас, Жалал-Абад, Ысык-Көл, Нарын облустарынын көпчүлүк аймактарында, Ош облусунун кээ бир райондорунда жаан, тоолуу райондордо кар жаашы мүмкүн.
Батыштан соккон шамалдын ылдамдыгы секундасына 4-9 метрден, Ысык-Көл, Нарын облустарынын айрым жерлеринде 15-20 метрге жетиши күтүлөт.
Абанын температурасы Чүй облусунда 4…9, күндүз 11…16, Талас облусунда түнкүсүн 1…6, күндүз 13…18 градус болот.
Ысык-Көл облусунда түнкүсүн 2…7, күндүз 10…15, Нарын облусунда түнкүсүн 0…5, күндүз 10…15 градус болот.
Ал эми Ош, Жалал-Абад жана Баткен облустарында түнкүсүн 6…11, күндүз 17…22 градуска жетет.
Эртең борбор калаабыз Бишкек шаарында түнкүсүн жаан жаайт. Абанын температурасы түнкүсүн 5…7 градусЮ күндүз 14…16 градус жылуу болушу күтүлөт.
Пикир
Оставить комментарий