20-декабрга карата республиканын аймагында күтүлгөн аба ырайы

Бишкек, 20.12.24. /Кабар/. Бүгүн, 20-декабрда Кыргызстандын көпчүлүк аймактарында жаан-чачын жаап, айрым жерлерде туман түшүп, кар жаашы күтүлөт.

Өзгөчө кырдаалдар министрлигинен билдиришкендей, Чүй, Талас, Ош, Жалал-Абад, Баткен облустарынын көпчүлүк аймактарында, Ысык-Көл, Нарын облустарынын айрым жерлеринде кар жаашы күтүлөт. Чүй, Жалал-Абад облустарынын айрым жерлеринде жаан-чачын катуу жаашы күтүлөт. Айрым жерлерде туман түшүшү ыктымал.

Жолдор тоңголок жана тайгак болот. Батыштан соккон шамалдын ылдамдыгы секундасына 4-9 метрден, айрым жерлерде 15-20 метрге жетиши күтүлөт.