Бишкек, 07.12.18. /Кабар/. 2019-жылга карата мамлекеттик бюджеттин кирешесинин көлөмү мамлекеттик инвестициялардын гранттарын эсепке алганда 170 млрд. 459,8 млн. сом же ИДПга карата 28,2%га өсөрү болжолдонууда. Бул тууралуу “Кабар” агенттигиндеги маалымат жыйыны учурунда КРнын Каржы министринин орун басары Алмазбек Азимов билдирди.
Анын айтымында, 2018-жылга каралган бюджетке караганда болжолдонуп жаткан кирешелер салык кирешелеринин 0,1%га жана расмий которуулардын 0,8%га түшүүсүнөн улам 0,9%га аз болот.
2018-жылга бекитилген бюджетке салыштырмалуу кирешелердин көлөмү номиналдык туюнтмасында 9%га же 14 млрд. 106,1 млн. сомго көп болот.
Пикир
Оставить комментарий