Бишкек, 25-май /Кабар/. Бүгүн, 25-майда түнкүсүн өлкөнүн кээ бир аймактарында жаан жаап, күн күркүрөшү, бийик тоолуу райондордо кар жаашы күтүлөт. Бул тууралуу Кыргызгидромет кызматы маалымдады.
Абанын температурасы:
Чүй, Талас өрөөндөрүндө түнкүсүн +11...+16, күндүз +23...+28;
Баткен, Ош жана Жалал-Абад облустарында түнкүсүн +13...+18, күндүз +25...+30;
Ысык-Көл жергесиндедө түнкүсүн +8...+13, күндүз +22...+27;
Нарын облусунда түнкүсүн +6...+19, күндүз +23...+28;
Бишкек шаарында түнкүсүн жаан-чачын күтүлбөйт, күндүз өткүн өтүп, күн күркүрөшү ыктымал. Батыштан соккон шамалдын ылдамдыгы секундасына 4-9 метрден 15-20 метрге жетиши күтүлөт. Абанын температурасы түнкүсүн +14...+16, күндүз +26...+28 градуска чейин ысык болот.
Ал эми 26-майда көпчүлүк аймактарда жаан жаап, күн күркүрөшү, бийик тоолуу райондордо кар, айрым жерлерде жаан-чачын катуу жаашы күтүлөт. 27-майда жаан-чачын кээ бир райондордо күтүлөт. Батыштан соккон шамалдын ылдамдыгы секундасына 4-9 метрден, айрым жерлерде 17-22 метрге жетиши күтүлөт.
Пикир
Оставить комментарий