Бишкек, 30.08.18. /Кабар/. Кыргызгидромет борбору 31-августта 3-сентябрга чейин өлкө аймагында күтүлгөн аба ырайы тууралуу болжолдуу маалымат таратты.
Ага ылайык, эртең, 31-августта Ысык-Көл облусунда жаан жаап, күн күркүрөшү, бийик тоолуу райондордо кар жаашы күтүлөт, калган аймактарда жаан-чачын күтүлбөйт. Батыштан соккон шамалдын ылдамдыгы секундасына 4-9 метрден, Ысык-Көл акваториясында 15-20 метрге жетиши күтүлөт.
1-сентябрда жана 2-сентябрда түнкүсүн жаан-чачын күтүлбөйт.
2-сентябрь күнү күндүз Ысык-Көл облусунун тоолуу райондордо жаан-чачын, күн күркүрөшү, бийик тоолуу райондордо кар жаашы күтүлөт, калган аймактарда жаан-чачын күтүлбөйт.
3-сентябрда жаан-чачын күтүлбөйт. Батыштан соккон шамалдын ылдамдыгы секундасына 4-9 метрге чейин жетет.
4-5-сентябрда дээрлик жаан-чачын күтүлбөйт. Абанын күндүзгү температурасы бир аз жогорулайт.
Лейлек, Талас, Базар-Коргон, Нарын райондорунун токойлорунда өрттүн чыгуу коркунучу жогору, калган аймактардын токойлорунда өрттүн коркунучу аз.
Кырчын капчыгайында күтүлгөн аба-ырайы
30-31-августтарда мезгил-мезгили менен жаан жаап, күн күркүрөшү күтүлөт. Батыштан соккон шамалдын ылдамдыгы секундасына 4-9 метрден, 15-20 метрге жетиши күтүлөт.
Пикир
Оставить комментарий