Бишкек, 30.10.24. /Кабар/. Кыргызгидромет борбору 30-октябрга карата күтүлгөн аба ырайы тууралуу маалымат таратты.
Ага ылайык, бүгүн Ысык-Көл, Нарын облустарынын айрым жерлеринде, Жалал-Абад облусунун тоо этектеринде жаан, кар, тоолуу райондорунда кар жаашы күтүлөт.
Ал эми Жалал-Абад облусунун өрөөндөрүндө жана калган аймактарда жаан-чачын күтүлбөйт. Айрым жерлерде туман түшүшү күтүлөт. Бийик тоолуу райондордо жолдор тоңголок жана тайгак болот.
Батыштан соккон шамалдын ылдамдыгы секундасына 4-9 метрден, күндүз Ысык-Көл, Нарын облустарынын айрым жерлерде 15-20 метрге жетиши күтүлөт.
Абанын температурасы Чүй облусунда +7…+12, Талас облусунда +6…+11, Нарын облусунда +3…+8, Ош, Жалал-Абад, Баткен аймактарында +9…+14, Ысык-Көл жеринде +5…+10 градус болот.
Бишкек шаарында абанын табы +10…+12 градуска жетет.
Пикир
Оставить комментарий