Бишкек, 08.08.22. /Кабар/. Бүгүн, 8-августта Чүй, Талас, Ысык-Көл, Нарын облустарынын кээ бир райондорунда, Ош, Жалал-Абад облустарынын тоо этектеринде жана тоолуу райондорунда өткүн өтүп, күн күркүрөшү күтүлөт, Ош, Жалал-Абад облустарынын өрөөндөрүндө жана Баткен облусунда жаан-чачын күтүлбөйт. Бул тууралуу Өзгөчө кырдаалдар министрлигинин басма сөз кызматы билдирет.
Батыштан соккон шамалдын ылдамдыгы секундасына 4-9 метрден, күндүз Чүй облусунун кээ бир райондорунда 15-20 метрге жетиши күтүлөт.
Абанын температурасы Чүй облусунда +28…+33, Талас облусунда +25…+30, Баткен облусунда +31…+36, Ош, Жалал-Абад облустарында +31…+36, Ысык-Көл облусунда +22…+27, Нарын облусунда +23…+28 градус болушу күтүлүүдө.
Ал эми Бишкек шаарында өткүн өтүп, күн күркүрөшү мүмкүн. Батыштан соккон шамалдын ылдамдыгы секундасына 4-9 метрден, 14 метрге жетиши күтүлөт. Абанын температурасы +29…+31° жылуу болушу күтүлөт.
Пикир
Оставить комментарий