Бишкек, 17.04.19. /Кабар/. Билим берүү жана илим министрлигинин буйругу менен 8-май күнү 11-класстын окуучулары үчүн республика боюнча мыкты аттестат алуучулар арасында "Алтын тамга" тестирлөөсү өткөрүлөт.
Ведомствонун басма сөз кызматы кабарлагандай, мамлекеттик жыйынтыктоочу аттестация кийинки сабактар боюнча өтөт:
– эне тил жана адабият (тест) – (кыргыз тили жана адабият, орус тили жана адабият, өзбек тили жана адабият),
– алгебра жана баштапкы анализ (тест),
– Кыргызстандын тарыхы (тест),
– химия (тест).
Райондук жана шаардык билим берүү бөлүмдөрүнө, баардык форма жана типтеги билим берүү мекемелерине 11-класстын талапкерлеринин тизмесин Билим берүү жана илим министрлигинин мектепке чейинки, мектеп жана мектептен тышкаркы билим берүү башкармалыгына 26-апрельге чейин берүү тапшырмасы берилген.
Пикир
Оставить комментарий