Бишкек, 26.11.24. /Кабар/. Маданият, маалымат, спорт жана жаштар саясаты министринин орун басары - Дене тарбия жана спорт департаментинин директору Айбек Абдымомунов "Азия балдары" Эл аралык комитетинин делегациясы менен жолукту.
Департаменттен билдиришкендей, делегациянын курамында “Азия балдары” Эл аралык комитетинин президенти Владимир Максимов, аппаратынын жетекчиси Иван Шеломов бар.
Жолугушууда балдар спортун өнүктүрүү жана биргелешкен долбоорлорду ишке ашыруу мүмкүнчүлүктөрү боюнча маселелер талкууланды.
Тараптар балдардын дене тарбиясын жана спорттук өнүгүүсүн камсыздоо үчүн кызматташтыкты бекемдөөнүн маанилүүлүгүн белгилеп, өз ара иш алып баруу багыттарын аныктоо үчүн диалогду улантууга макулдашышты.
Жолугушуунун соңунда Айбек Абдымомунов делегацияга сапары үчүн ыраазычылык билдирип, мындан аркы жемиштүү кызматташууга даярдыгын билдирди.
Пикир
Оставить комментарий