Айыл өкмөттүн башкы адиси УКМК кызматкерине пара берип жаткан жеринен кармалды

Бишкек, 15.07.22. /Кабар/. Ысык-Ата районунун Милянфан айыл өкмөтүнүн башкы адиси УКМК кызматкерине УКМК кызматкерине пара берип жаткан жеринен кармалды.

УКМКнын басма сөз кызматынан билдиришкендей, айыл өкмөттүн башкы адиси финансылык-чарбалык ишмердикти текшерүүнү токтотуу үчүн пара берүүгө аракет кылган.

Жүргүзүлгөн ыкчам-иликтөө иш-чараларынын жүрүшүндө 2022-жылдын 14-июлунда КР Кылмыш-жаза кодексинин 345-беренеси ("Пара берүү") боюнча ижарага берилген жайыт жерлеринин мыйзамдуулугун жана максаттуу пайдаланылышын текшерүүнү токтотуу максатында УКМКнын ыкчам кызматкерине 30 миң сом өлчөмүндө пара берүүгө аракет кылган КРнын Б.Ю.Я., аттуу жараны кармалды.

Кармалган адам УКМКнын тергөө камак жайынын убактылуу кармоочу жайына киргизилди.

Азыркы учурда тиешелүү ыкчам-тергөө иш-чаралары жүргүзүлүүдө.