Бишкек, 17.12.20. /Кабар/. Айыл өкмөттөрүнүн өкүлдөрүнө жемиш өстүрүүчү жана отургузуучу материалдарын өстүрүү боюнча тренингдер өткөрүлүүдө. Бул тууралуу Айлана-чөйрөнү коргоо жана токой чарба агенттигинин маалымат кызматы билдирди.
Бишкек жана Жалал-Абад шаарларында жемиш өстүрүүчү жана сапаттуу отургузуучу материалдарын өстүрүү боюнча үч күндүк тренингдер өткөрүлүүдө.
Тренингдердин катышуучулары Токтогул районунун Бел-Алды, Жаңы-Жол, Ничке-Сай, Чолпон-Ата айыл өкмөттөрүнүн, Чүй районунун Онбир-Жылга айыл өкмөтүнүн, Ноокен районунун Достук айыл өкмөтүнүн өкүлдөрү.
Окутуунун негизги максаты – мөмө-жемиш бакчаларын түзүү, күнөсканаларда сапаттуу отургузуучу материалдарын өстүрүү тармагында айыл өкмөттөрдүн өкүлдөрүнүн дараметин жогорулатуу.
Эки күндүн ичинде тренерлер күнөсканаларда жана питомниктерде отургузуучу материалдарын өстүрүү практикалары тууралуу, мөмө-жемиш бакчаларын түзүү жана аларды багуу, мөмө-жемиш бакчалардын продукциясын чогултуу, сактоо жана сатуу тууралуу, зыянкечтер менен күрөшүү ыкмалары менен тааныштырып кетет.
Пикир
Оставить комментарий