Бишкек, 11.03.22. /Кабар/. Ысык-Көлдө “Арсенал” атайын операциясы жүргүзүлүп жатканын облустук ички иштер башкармалыгынан билдиришти.
Анын алкагында Ак-Суу райондук милиция кызматкелери тарабынан аймакта жарандарда мыйзамсыз сакталган курал-жарактарды, ок даарыларды аныктоо жана ок атуучу куралдарды колдонуу менен ар кандай кылмыштардын алдын алуу максатында тийиштүү иш-чаралар жүргүзүлүүдө.
Теплоключенка айыл өкмөтүндө каттоодо турган ок атуучу куралдардын сакталышы текшерилип, мыйзамсыз сакталган куралдарды өз ыктыяры менен өткөрүп берүү боюнча түшүндүрүү иштери жүргүзүлдү.
Ак-Суу райондун аймагында атайын уруксат менен 369 адамда ок атуучу куралдар бар. Алардын ээллеринин колунда жалпы 487 ок атуучу курал сакталып, профилактикалык каттоодо турат. 2022-жылдын эки айында Укук бузуулар кодексинин 133-беренеси менен алты протокол толтурулуп, эскертүүлөр берилди.
Пикир
Оставить комментарий