Бишкек, 17.01.25. /Кабар/. АКШ президенти Дональд Трамптын ант берүү аземи 20-январда өтөт. Расмий түрдө Трамп АКШнын 47-президенти болуп калмакчы.
Буга чейин ал АКШнын 45-президенти катары 2017-жылдан 2021-жылга чейин кызматта болгон.
Известия маалымдагандай, президенттин инаугурациясында жаңы вице-президент Жей Ди Вэнс да ант берет. Андан соң ал кызматка расмий түрдө киришет.
Ант берүү иш-чарасы Американын ABC, CBS, CNN, CSPAN, Fox News өңдүү ири телеканалдары аркылуу түз алып көрсөтүлөрү айтылды.
Вашингтондо өтө турган инаугурацияга атайын чакырылган коноктор жана 200 миңге жакын адамдар күбө болору болжолдонууда.
Эске салсак, АКШ президентин шайлоо 2024-жылдын 5-ноябрда өтүп, 78 жаштагы Дональд Трамп жеңишке жетишкен. Шайлоочулардын добушунун 51%ын Трамп, 47,4%ын Камала Харрис алган.
Пикир
Оставить комментарий