Бишкек, 16-март /Кабар/. Америка армиясынын генералы Дэвид Перкинс аскер симпозиумунда союздаш өлкөлөрдүн бири арзан баадагы квадрокоптерге 3 миллион долларлык ракета менен сокку ургандыгын маалымдады. Анын билдирүүсүнүн видеосу YouTube порталында жарыяланган.
Перкинстин айтымында, учкучу жок учакка сокку жасоо үчүн “абдан жакын союздаш” Patriot зениттик-ракеталык комплексин колдонгон. Би-би-си билдиргендей, бул комплекстин ракетасынын баасы 3 миллион долларга жакынды түзөт.
“Алар сокку жасай алышты <…> 200 долларлык квадрокоптердин Patriot ракетасына каршы мүмкүндүгү болгон эмес”, - деди генерал.
Аны менен бирге Перкинс бул аракеттердин экономикалык пайдалуулугунан күмөн санады. “Душмандын ордунда болсом мен: “eBay ге кирип 300 долларлык квадрокоптерден көбүрөөк сатып алайын, алардын Patriot ракеталарынын баары жок калсын” деп ойлонмокмун”, - деп белгиледи ал.
Генерал АКШнын кайсы союздашы тууралуу сөз болуп жатканын жана окуя качан болгонун тактаган жок.
Булагы РИА Новости
Пикир
Оставить комментарий