Бишкек, 07.07.22. /Кабар/. 4-6-июлда Кыргызстанда COVID-19дун 30 учуру катталып, төрт адам ооруканага жаткырылган. Бул тууралуу Республикалык штаб билдирди.
Маалыматка ылайык, жаңы учурлар Бишкек шаарында, Чүй, Ош жана Ысык-Көл облустарында аныкталган.
"Алардын ичинде жаш курагы боюнча: 7-17 жаш - 3 учур (10%), 18-29 жаш - 8 (26,6%), 30-64 жаш - 15 (50%), 65 жаштан жогору - 4 учур (13,4%).
30 учурдун ичинен 5 учуру Корея, Пакистан, АКШдан келгендердин аныкталса, калган 18 адам оорунун белгилери пайда болгонуна байланыштуу кайрылышкан", - деп айтылат маалыматта.
Белгиленгендей, 2 адамда ооруга чалдыккандар менен байланышкандар катары, ал эми 4 адам учууга байланыштуу ПЧР-тест тапшыруу учурунда аныкталган.
Пикир
Оставить комментарий