Бишкек, 05.11.22. /Кабар/. Жалал-Абад облусунун Ала-Бука районунун сегиз айыл өкмөтүндө курултайга делегаттарды шайлоо өтүүдө. Бул тууралуу президенттин Жалал-Абаддагы өкүлчүлүгүнөн билдиришти.
Жыйындар саат 10:00дө салтанаттуу Гимн менен башталды. Саат 12:00гө карата төрт айыл өкмөттө жыйын жогорку деңгээлде аяктап, дагы төрт айыл өкмөттө жыйын жүрүп жатат. Райондон жалпы 16 делегат шайланат.
Президенттин 2022-жылдын 15-августундагы №284 жарлыгына ылайык, чакырылган Элдик курултай курамы 1074 делегаттан турат.
Анын ичинде:
- административдик-аймактык бирдиктерден - 1036 делегат;
- чет өлкөдөгү эмгек мигранттарынан - 28 делегат;
- конфессиялык коомчулуктардан - 10 делегат.
Ал эми административдик-аймактык бирдиктерден делегаттардын шайланып келүүсүнө төмөнкүдөй квота каралган:
- 452 айыл аймагынын ар биринен экиден (904 делегат);
- облустук маанидеги 12 шаардын ар биринен экиден жана райондук маанидеги 18 шаардын ар биринен бирден (42 делегат);
- Бишкек шаарынан алтымыш жана Ош шаарынан отуз (90 делегат).
Эске салсак, Элдик курултай Бишкекте 25-ноябрда өтөт.
Пикир
Оставить комментарий