Бишкек, 22.10.24. /Кабар/. Алай районунун Кабылан-Көл айылындагы №25 Э. Мурзаев атындагы мектептин жабык спорт аянтчасынын курулушу бүткөрүлдү. Бул тууралуу Архитектура, курулуш жана турак жай-коммуналдык чарба мамлекеттик агенттигинен билдиришти.
Маалыматка ылайык, объекттин курулушу 2023-жылы республикалык бюджеттин эсебинен башталып, толук бүткөрүүгө 30 млн сом каржыланган. Спорт аянтчанын курулуш-монтаждоо жумуштары "Бая-Жан" ЖЧКсы тарабынан аткарылды.
Эки блоктон турган спорт аянтчанын жалпы аянты 1055 чарчы метрди түзөт. Долбоорго ылайык объектте кичи футбол аянтчасы, кийинүүчү жана жуунучу жайлар, ажаткана, тосмо жана көрктөндүрүү иштери каралган.
Пикир
Оставить комментарий