Бишкек, 25.07.18. /Кабар/. Ош облусунун Алай районундагы Гүлчө айылында “Айыл оттору” маданият жана туризм фестивалы өтүп жатат. Фестивалды Маданият, маалымат жана туризм министрлиги уюштурууда.
Иш-чара концерттик программа менен коштолууда. Ал үчүн атайын эстрада жылдыздары, комузчулар жана казактын домбура аткаруучусу Эржан Жаманкеев келген.
Фестивалда атайын коноктор үчүн колдон жасалган буюмдар сунушталган.
Иш-чаранын максаты айыл жергесинде жашаган кол өнөрчүлөрдү жана таланттарды издөө жана алардын товарларын тышкы базарга чыгарууга колдоо көрсөтүү.
Андан тышкары фестивалда аймактардагы маданият жана туризмди өнүктүрүү маселеси талкууланат.
Пикир
Оставить комментарий