Бишкек, 19.12.23. /Кабар/. Чүй облусунун Аламүдүн районундагы Лебединовка айылында облустук деңгээлде "Атам, апам, мен – дени сак үй бүлөбүз" аттуу спорттук таймаш болуп өттү.
Президенттин Чүй облусундагы өкүлчүлүгүнөн билдиришкендей, мелдешке Чүй, Ысык-Ата, Аламүдүн, Сокулук, Москва, Жайыл жана Панфилов райондорунан 7 команда катышты.
Сынактын жыйынтыгы менен командалар төмөнкүдөй байгелүү орундарга ээ болушту:
- 1-орун - Сокулук району;
- 2-орун - Москва району;
- 3-орун - Аламүдүн району.
Жеңүүчүлөргө медаль, диплом, акчалай сыйлык жана белектер тапшырылды.
Таймаштын максаты - өсүп келе жаткан жаш балдардын спортко болгон сүйүүсүн арттыруу, ошондой эле жаш үй-бүлө институтун колдоо болуп саналат.
Белгилей кетсек, “Атам, апам, мен – спорттук үй-бүлөбүз” аттуу спорттук иш-чаранын жеңүүчүлөрүн сыйлоо үчүн Чүй облустук жаштар иштери, дене тарбия жана спорт башкармалыгына Чүй облусунун башчысынын резервдик фондунан 45 миң сом которулган.
Пикир
Оставить комментарий