Бишкек, 09.08.22. /Кабар/. Аламүдүн районунда кийимдери суунун жээгинен табылган малчынын сөөгү табылды. Бул тууралуу Өзгөчө кырдаалдар министрлигинин басма сөз кызматы билдирди.
Маалыматка ылайык, 6-август күнү 37 жаштагы У.С. аттуу малчы мал кайтарууга чыгып кетип кайтып келген эмес.
Жогоруда аталган жарандын кийимдери Октябрская жана Лубиная айылдарынын ортосунан агып өткөн Чу суусунун жээгинен табылган.
Бүгүн, 9-августта жерине издөө иш-чараларын улантуу максатында Аламүдүн райондук өзгөчө кырдаалдар бөлүмүнөн 8 куткаруучу тартылган", - деп айтылат маалыматта.
Издөө иштеринин натыйжасында саат 11:23тө куткаруучулар тарабынан аталган жарандын сөөгү табылып, ИИМ кызматкерлерине өткөрүлүп берилген.
Пикир
Оставить комментарий