Бишкек, 25.02.20. /Кабар/. Жогорку Кеңештин Бюджет жана финансы боюнча комитети тоо-кен тармагындагы салык өлчөмүн көбөйтүүгө багытталган “КР Салык кодексине өзгөртүүлөрдү киргизүү жөнүндө” мыйзам долбоорунун концепциясын жактырды. Бул тууралуу ЖК басма сөз кызматы кабарлайт.
Демилгечи – Өкмөт.
Экономика министринин орун басары Элдар Алишеров Өкмөт мыйзам долбоору аркылуу тоо-кен жана тоо-кен кайра иштетүү тармактарындагы ишканалардын алтын катылган руданы жана аралашмаларды сатуудагы киреше салыгын 3 пайызга көбөйтүү демилгесин сунуштап жатканын билдирди. «Ошондой эле алтын катылган руданы жана аралашмаларды сатуудагы роялтинин базалык салыгы да кайра каралат. Эгер афинаждалган алтын Кыргызстанга кайра алынып келсе, салык алынбайт», - деди ал.
Өкмөттүн божомолунда мындай чаралардын натыйжасында бюджетке кошумча 300 млн сом киреше түшөт.
Пикир
Оставить комментарий