Бишкек, 15.10.24. /Кабар/. Арстанбаптагы селдин себептери аныкталып, жергиликтүү бийлик өкүлдөрүнө кылмыш иши козголду. Бул тууралуу КР Башкы прокуратурасынын басма сөз кызматы билдирди.
Жалал-Абад облусунун Базар-Коргон районунун прокуратурасы тарабынан Арстанбап айылында болгон селдин себептерин жана кесепеттерин аныктоо боюнча текшерүү жүргүзүлдү.
Аудиттин жүрүшүндө Базар-Коргон шаар куруу жана архитектура башкармалыгынын, Арстанбап айыл өкмөтүнүн жана «Кадастр» мамлекеттик мекемесинин Базар-Коргон бөлүмүнүн жооптуу кызматкерлери тарабынан 2006-жылдан 2019-жылдар аралыгында суу коргоо зонасында жайгашкан 15 жер тилкеси мыйзамсыз жеке менчикке берилгени аныкталган. Ошондой эле Арстанбап-Сай дарыясынын суу коргоо зонасына мыйзамсыз түрдө соода объектилери курулган.
Эске салсак, 2024-жылдын 23-июлунда мыйзамсыз курулуштун кесепетинен Арстанбап-Сай дарыясында болгон селдин кесепетинен суунун деңгээли көтөрүлүп, анын кесепетинен ички чарбалык жолдорду, имараттарды, соода объектилерин жана турак жайларды сел алган. Мындан улам бул аймакта өзгөчө кырдаалдын түзүлүшүнө алып келген.
Тактап айтканда, Базар-Коргон шаар куруу жана архитектура башкармалыгынын, Арстанбап айыл өкмөтүнүн жана «Кадастр» мамлекеттик мекемесинин Базар-Коргон филиалынын кызмат адамдарынын мыйзамсыз аракеттеринин натыйжасында мамлекетке жана жеке жактарга 24 миллион сомдон ашык зыян келтирилген.
Текшерүүнүн жыйынтыгы менен Базар-Коргон районунун прокуратурасы тарабынан кызмат абалынан кыянаттык менен пайдалануу беренеси боюнча кылмыш иши козголду.
Учурда тергөө иштери жүрүп жатканын Башкы прокуратура билдирди.
Пикир
Оставить комментарий