Бишкек, 19.12.24. /Кабар/. Улуттук тарых музейинде өткөн балдарга арналган жаңы жылдык иш-чарага Кыргызстандын Балдардын укуктары боюнча ыйгарым укуктуу өкүлү Асел Чынбаева катышты.
Асел Чынбаева президент Садыр Жапаровдун атынан балдарды жаңы жылы менен куттуктап, ден соолук жана бакубат жашоо каалады.
Иш-чарага ошондой эле Казакстандын, Венгриянын, Кытайдын, Япониянын жана башка катталган мамлекеттердин элчилери жана өкүлдөрү, Сокулук реабилитациялык борборунун, «Келечек» майыптар реабилитациялык борборунун, Краснореченск жалпы билим берүүчү көмөкчү мектеп-интернатынын балдары жана башка балдардын кайрымдуулук фонддору катышты.
Иш-чаранын максаты балдарды дүйнө элдеринин салттуу ырым-жырымдарынын маданий өзгөчөлүктөрү жана тарыхы менен тааныштыруу, ошондой эле калктын аярлуу катмарына коомчулуктун көңүлүн буруу болгон.
Программанын алкагында коноктор музейдин көргөзмөлөрү, жаңы жылды тоскон түрдүү өлкөлөрдүн маданий салттары менен таанышып, атайын балдар үчүн уюштурулган майрамдык иш-чараларга катышты.
Пикир
Оставить комментарий