Бишкек, 01.11.17. /Салтанат Абдраева – Кабар/. КСДП фракциясынын депутаты Асел Кодуранова көпчүлүк коалициясынан ЖК вице-спикери болуп шайланды. Добуш берүү жашыруун өттү.
Добуш берүүнүн жыйынтыгы боюнча Кодуранованы катышкан 93 эл өкүлүнүн 91 колдоп, 2 депутат каршы добуш берген.
Кодуранова ага көрсөтүлгөн ишенимге ыраазычылык билдирди. “Кудай буюрса, биз бирге Кыргызстан жана кыргыз эли үчүн иштейбиз”,- деди ал өз сөзүндө.
Эскерте кетсек, мурдагы вице-спикер Данияр Төлөнов Дастан Жумагулов парламенттин төрагасы болгон соң кызматынан кеткен. Алар экөө тең “Кыргызстан” фракциясынан болушат.
Кыргызстандын парламентинде эки вице-спикер кызматы бар, бири көпчүлүк коалициясынан, экинчиси – оппозициядан шайланат.
Пикир
Оставить комментарий