Бишкек, 07.03.18 /Кабар/. Казакстан бийлиги экстремизм жана терроризмге каршы күрөш үчүн беш жылдын ичинде 270 миллиарддан ашык (840 миллион доллар) теңге бөлүүгө ниеттенүүдө.
Бул тууралуу 6-мартта Улуттук коопсуздук кызматынын төрага орун басары Нургали Билисбеков өкмөт жыйынында «диний экстремизмге жана терроризмге каршы күрөшүү» чаралары тууралуу 2018-2022-жылдар үчүн даярдалган мамлекеттик программанын долбоорун тааныштырып жатып билдирди.
Анын айтымында, программада жалпысынан 80 иш-чараны аткаруу каралган. Аларды ишке ашыруу үчүн беш жылдын ичинде 270 миллиард теңге бөлүү каралууда. Анын 209,3 миллиарды республикалык, 6,7 миллиарды жергиликтүү бюджеттен бөлүнөт.
«Чыгымдар укук коргоо органдарын жана башка тиешелүү кызматтарды заманбап техникалар, курал-жарактар менен камсыздоо, профилактикалык иш-чараларды уюштуруу, ошондой эле кызматкерлердин профессионалдык чеберчилигин арттыруу үчүн каралган», — деди Билисбеков.
Пикир
Оставить комментарий