• 88.21
  • 95.66
  • 0.97

Азия чемпионаты: Мээрим Жуманазарова алгачкы атаандашын жеңип алды

Спорт 0

Бишкек, 21.04.22. /Адил Төлөгөнов - Кабар/. Кыргызстандык спортчу Мээрим Жуманазарова Монголиядагы кыз-келиндер күрөшү боюнча Азия чемпионатында алгачкы атаандашын жеңди. Бул тууралуу Бириккен күрөш дүйнөсүнүн сайтында айтылат.

Мээрим Жуманазарованын 68 кг салмакта алгачкы атаандашы Азия чемпионатынын эки жолку коло медалынын ээси казакстандык Мадина Бакбергенова болду. Күрөш башталганда эле Жуманазарова күчтүүгүлүн көрсөтүп, бир-эки упайдан алып жатып, каршылашын 5:0 эсебинде утту. Анын кийинки атаандашы кореялык Сужин Парк болот.

Нет описания.

Белгилей кетсек, Мээрим Жуманазарова 2021-жылы Токио Олимпиадасынын коло байге ээси жана кыз-келиндер арасында күрөш боюнча дүйнө чемпиону болгон. Ошондой эле Казакстандагы өткөн мелдеште Азия чемпиону болгон.

Азия чемпионатында грек-рим күрөшү боюнча кыргызстандык балбандар жалпы алты медаль багындырышты:
Алтын медаль:
Жоламан Шаршенбеков - 60 кг;
Тынар Шаршенбеков - 63 кг;
Акжол Махмудов - 77 кг.

Коло медаль:
Адилхан Нурланбеков - 72 кг;
Үзүр Жузупбеков - 97 кг;
Роман Ким - 130 кг.

Чемпионат 19-24-апрель аралыгында Улан-Батор шаарында өтүүдө.

Эскерте кетсек, Монголиядагы Азия чемпионатына Кыргызстандын атынан жалпы 21 балбан аттанган.

Пикир

Оставить комментарий